14 जून २०२३ वर्धापन दिन २०२३ कन्याशाळा वाई

कन्या शाळा वाई 98 वा वर्धापन दिन कार्यक्रम वृत्त:

संस्था ही कार्यकर्त्यांनी बनते इमारतींनी नव्हे: माननीय श्री . सोनपाटकी साहेब

         दिनांक 14 जून 2023 रोजी कन्या शाळा वाई येथे महर्षी कर्वे स्त्री शिक्षण संस्थेचा 127 वा वर्धापन दिन व कन्या शाळा वाईचा 98 वा वर्धापन दिन उत्साहात संपन्न झाला. कार्यक्रमाच्या सुरुवातीला महर्षी अण्णांच्या मूर्तीला पुष्पहार अर्पण करून त्यानंतर प्रतिमेचे पूजन शाळा समिती अध्यक्ष माननीय सोनपाटकी साहेब यांच्या हस्ते करण्यात आले. त्यानंतर संगीत शिक्षिका सौ. जोशी मॅडम यांनी आश्रम गीत  सादर केले. माननीय मुख्याध्यापिका सौ. भोये मॅडम यांनी सर्व मान्यवरांचे स्वागत केले. माननीय श्री. भट सर माननीय सौ. अंजली काणे मॅडम, माननीय सौ. स्वाती देशपांडे मॅडम, माननीय श्री. अविनाश जोशी सर यांची प्रमुख उपस्थिती होती. या कार्यक्रमास वाई प्रकल्पातील सर्व शाळांचे शिक्षक शिक्षकेतर कर्मचारी , मुख्याध्यापिका तसेच कन्या शाळेच्या पर्यवेक्षिका सौ .पवार मॅडम उपस्थित होत्या .आजन्म सेविका राव मॅडम याही आवर्जून उपस्थित होत्या

             शाळेच्या ज्येष्ठ शिक्षिका सौ. सुरेखा जमदाडे यांनी महर्षी कर्वे स्त्री शिक्षण संस्थेचा तसेच कन्या शाळा वाई च्या स्थापनेचा इतिहास सांगितला. महर्षी अण्णांचे स्त्री शिक्षण व विधवा पुनर्विवाह याविषयीचे कार्य याविषयी त्यांनी छान माहिती सांगितली. श्री प्रभाकर सोनपाटकी सर यांनी अध्यक्षीय मनोगत व्यक्त केले. त्याप्रसंगी संस्था ही इमारतींनी नव्हे तर माणसांनी म्हणजेच कार्यकर्त्यांनी बनते असे सांगितले. अण्णांनी लावलेल्या स्त्री शिक्षणाचे रोपटे हे भव्य वटवृक्षात रूपांतरित होताना खूप जणांचे कष्ट आहेत  असे ते म्हणाले. त्यांनी संस्थेच्या व कन्या शाळा वाई च्या वर्धापनदिन प्रसंगी सर्वांना शुभेच्छा दिल्या .कार्यक्रमाचे सूत्रसंचालन सौ. चौहान मॅडम यांनी केले .तसेच आभार सौ.पानसे मॅडम यांनी मानले.